Лондоннинг «Тоттенҳэм» клуби бош мураббийи Роберто Де Зерби яримҳимоячи Михаило Мудрикнинг «Челси»дан ижарага олингани ҳақида фикрлари билан ўртоқлашди. Мураббий ва футболчи 2021 - 2022 йиллар оралиғида «Шахтёр»да бирга ишлаган эди.
«Миша билан унинг фаолиятининг илк даврларида бирга ишлаганмиз, у жамоамизга фойда келтиришига ишонаман. Тезлиги ва бирга-бир ҳолатларда қабул қиладиган қарорлари туфайли у ўйин тақдирини ўзгартира олади — буткул ўзгача иқтидор соҳиби.
Мишадан жуда кўп нарса талаб қиламан. У ўз салоҳиятини кўрсата олиши учун имкон яратиб бериш эса бизнинг вазифа. Агар буни уддалай олсак, у жамоа учун муҳим фигурага айлана олади. У айнан бизни танлаганидан жуда ҳам мамнунман ва яна у билан бирга ишлашни интизорлик билан кутяпман», — дея Де Зерби сўзларидан иқтибос келтиради клуб матбуот хизмати.
