«Реал» президенти Флорентино Перес Килиан Мбаппенинг келажаги ҳақида фикр билдириб, футболчи Мадрид клубида қолишини маълум қилди.
«Мбаппе дунёнинг энг яхши футболчиларидан бири ва у кетмайди. Унинг статистикаларига қарасангиз, футболчимизнинг даражаси қанчалик юқори эканини кўриш мумкин. Ҳеч ким бундай ноёб футболчига шубҳа қилмаслиги керак», — дея Переснинг ушбу баёноти ҳақида Фабрицио Романо ўзининг ижтимоий тармоқдаги саҳифасида хабар берди.
Клуб раҳбари шу тариқа сўнгги кунларда Мбаппенинг эҳтимолий трансфери ҳақидаги миш-мишларга муносабат билдирди.
Эслатиб ўтамиз, франциялик ҳужумчи «Реал» сафига катта умидлар билан келиб қўшилган ва жамоанинг асосий етакчиларидан бири сифатида кўрилмоқда.
