«Барселона» ҳимоячиси Андреас Кристенсен ўз келажаги борасида фикр билдириб, Каталония клубида қолишни исташини маълум қилди.
«Тасдиқлай оладиган ягона нарсам шуки, мен «Барселона»да қолишни хоҳлайман. Ҳозирча бошқа янгилик йўқ. Кўп нарса дея олмайман, аммо яқин вақт ичида шартномамни узайтиришга умид қиламан. Ҳамма менинг нимани хоҳлашимни ва қандай фикрда эканимни билади. Умид қиламанки, тез орада ҳаммаси ўз ўрнига тушади», — деди футболчи Barca Universal нашрига.
Андреас Кристенсен 2022 йилда «Челси»дан эркин агент сифатида «Барселона» сафига қўшилган эди.
Унинг каталонияликлар билан амалдаги шартномаси 2026 йил 30 июнгача амал қилади. Ҳимоячи ўтган мавсум жамоа сафида 18 та баҳсда майдонга тушиб, битта гол урди.
Эслатиб ўтамиз, Кристенсен Дания миллий жамоасининг асосий футболчиларидан бири ҳисобланади.
Маълумот учун, сўнгги ҳафталарда футболчининг келажаги борасида турли трансфер миш-мишлари пайдо бўлганди.
