«Галатасарой» «Милан» футболчиси Рафаэл Леау бўйича расмий таклиф юборган ягона клуб бўлиб турибди. Бу ҳақда La Gazzetta dello Sport хабар берди.
Шу билан бирга, футболчи ҳали ҳам АПЛга, хусусан «Арсенал» ёки «Манчестер Юнайтед»га ўтишга умид қилмоқда. Қайд этилишича, Леау яна «Арсенал»га таклиф қилинганидан сўнг ҳам музокараларда ҳеч қандай силжиш кузатилмаган.
Португалиялик футболчининг шартномасида 175 миллион еврога тенг товон пули белгиланганига қарамай, «россонери» уни 50 миллион евро эвазига сотишга тайёр. Бироқ ҳозирча ягона аниқ таклиф «Галатасарой» томонидан келиб тушган.
Аввалроқ Леау ёзда «Милан»ни тарк этишини маълум қилганди.
