Аргентина миллий жамоаси бош мураббийи Лионел Скалони «Интер Майами» вингери Лионел Месси ҳақида фикр билдирди.
«Леода ҳаммаси яхши. У жамоа билан бирга машғулот ўтказди ва бу жуда муҳим. У тўлиқ изоляцияда эмас ва тикланиш жараёни давом этмоқда.
Балки Месси ўртоқлик ўйинларида иштирок этиб, майдонга тушиши ҳам мумкин. Ҳар қандай ҳолатда ҳам у анча яхши ҳолатда, бу эса бизни хотиржам қилади.
Агар жамоадан яна кимдир жароҳат олса ва ўйнай олмаса, унинг ўрнига муносиб футболчи топа олишимизга тўлиқ ишонамиз», — деди Скалони.
Маълумот ўрнида, Месси май ойи охирида жароҳат олганига қарамай, 2026 йилги жаҳон чемпионати учун миллий жамоа рўйхатига киритилди.
