Италиялик мутахассис Фабио Капелло жаҳон чемпионати фаворитлари қайси жамоалар эканини айтди.
«Франция ва Испания — асосий фаворитлар, чунки уларнинг техник маҳорати юқори. Мен Тухел бошчилигидаги Англия миллий жамоасига ҳам қизиқяпман.
Германия бироз позицияларини йўқотди, аммо ушбу жаҳон чемпионатида уларни кўришни интиқлик билан кутяпман.
Шу билан бирга, мен Анчелотти бошчилигидаги Бразилия миллий жамоасига мухлислик қиламан. Карло ажойиб характерга эга, ҳар қандай муҳитга тез мослаша олади. Бразилияда эса буни амалга ошириш осон эмас», — деди Россия ва Англия миллий жамоаларининг собиқ мураббийи.
Аввалроқ Капелло Италиянинг мундиалга чиқа олмаганини шармандалик деб ҳисоблашини айтганди.
