Transfermarkt дунё клубларининг таркиби қийматлари янгиланган маълумотларини эълон қилди.
Франция чемпиони ва Чемпионлар Лигасининг амалдаги ғолиби «ПСЖ» клуби таркиби бозор қиймати бўйича етакчи — 1,37 миллиард евро. Иккинчи ўринда «Манчестер Сити» (1,32 миллиард), учинчи ўринда — Лондоннинг «Арсенал» клуби, 22 йилда биринчи марта Англия чемпионлигига эришган жамоа (1,25 миллиард).
Эслатиб ўтамиз, айнан «ПСЖ» ва «Арсенал» УЕФА Чемпионлар Лигаси финалида рўбарў келди. Будапештдаги «Пушкаш Арена»да ўтган ўйин Франция клубининг ғалабаси билан якунланди. Асосий вақт ва қўшимча бўлимларда ғолиб номи аниқланмади, пеналтилар сериясида эса омад парижликларга кулиб боқди.
