Бу ҳақда инсайдерлар Фабрицио Романо ҳамда Маттео Моретто хабар бермоқда.
Мадриднинг «Атлетико» ҳужумчиси Александр Сёрлот «Ювентус» билан шахсий келишувга эришди.
Маълум бўлишича, томонлар шахсий шартнома шартлари бўйича тўлиқ келишиб олган. Энди Турин клуби 30 ёшли норвегияликнинг трансфери бўйича «матрасчилар» билан музокараларга киришмоқда.
Эслатиб ўтамиз, «Атлетико» Сёрлотни 2024 йил ёзида «Вилярреал»дан 32 миллион евро эвазига сотиб олганди. 2025/26-йилги мавсумда ҳужумчи барча мусобақаларда 54 та ўйин ўтказиб, 20 та гол урган.
Александрнинг «матрасчилар» билан шартномаси 2028 йил июнигача амал қилади.
