Bavariya va Angliya milliy jamoasi hujumchisi Harri Keyn Yangi Zelandiya jamoasi bilan bo‘lib o‘tgan o‘rtoqlik o‘yini o‘tgan maydon maysasi sifati haqida fikr bildirdi.
— Rostini aytsam, maydon unchalik ham yaxshi emas edi. Bu bizning o‘yinimizga ta’sir qilib, qiynchilik tug‘dirdi va biz istagan tarzda harakat qilishimizga yo‘l qo‘ymadi, - dedi Keyn final hushtagidan so‘ng.
O‘rtoqlik o‘yini angliyaliklarning Yangi Zelandiya ustidan minimal 1:0 hisobidagi g‘alabasi bilan yakunlandi. Yagona gol aynan Keyn hisobiga yozildi.
Angliya milliy jamoasi so‘nggi nazorat o‘yinini 10 iyun kuni Kosta-Rikaga qarshi o‘tkazadi. 17 iyunda esa Tuxelning shogirdlari Jahon chempionatidagi birinchi o‘yinni Xorvatiyaga qarshi o‘tkazadi.
