"Fiorentina" darvozaboni David de Xea yozgi transfer oynasida jamoani tark etishi mumkin.
Ma'lum qilinishicha, "binafsharanglilar" rahbariyati ispaniyalik futbolchini endi daxlsiz maqomda ko‘rmayapti. Klubda 35 yoshli posbonning maoshi (yiliga taxminan 3 million yevro) juda yuqori deb hisoblanmoqda. Shuning uchun ham rahbariyat David bo‘yicha takliflarni ko‘rib chiqishga tayyor.
"Manchester Yunayted" sobiq darvozabonining "Fiorentina" bilan amaldagi shartnomasi 2028 yilgacha mo‘ljallangan. Avvalroq de Xea Angliyada "Manchester Yunayted"dan boshqa klubda o‘ynay olmasligini aytib o‘tgan edi.
