Angliya milliy jamoasi hujumchisi Harri Keyn ushbu mavsumdagi 67-golini urdi.
Harri Yangi Zelandiyaga qarshi o‘rtoqlik uchrashuvida (1:0) himoyachi Jed Spensning pasidan so‘ng hisobni ochdi. Shu tariqa, 32 yoshli forvard bu mavsumdagi 67-golini nishonladi.
Keyn «Bavariya» safida 61 marta gol urgani holda, yana 6 ta golni milliy jamoa o‘yinlarida kiritgan.
Avvalroq angliyalik forvard faoliyatidagi ikkinchi «Oltin butsa»sini qo‘lga kiritgani ma'lum qilingandi. Qayd etish lozim, Harri Bundesligadagi 31 o‘yinda 36 ta gol urishga muvaffaq bo‘ldi.
