АҚШнинг Канзас-Сити (Миссури штати) полицияси Англия миллий жамоасига тегишли жиҳозлар ўғирланиши бўйича тергов олиб борилаётганини тасдиқлади. Бу ҳақда Sky News хабар берди.
«Биз жамоа транспортидан жиҳозлар ўғирланиши эҳтимоли бўйича иш олиб боряпмиз. Ушбу транспорт Канзас-Ситига бугун кечқурун айрим буюмларсиз етиб келган.
Тергов давом этмоқда. Ишга алоқадор бўлиши мумкин бўлган икки нафар шахс кейинги текширувлар учун ҳибсга олинди», — дейилади ҳуқуқни муҳофаза қилувчи органлар баёнотида.
Эслатиб ўтамиз, аввалроқ йўқолган буюмлар орасида жамоа етакчилари Ҳарри Кейн ва Жуд Беллингҳэмнинг бутсалари ҳам борлиги маълум қилинганди. Шунингдек, миллий жамоа деярли барча машғулот тўпларидан маҳрум бўлган ва жамоа ихтиёрида атиги битта тўп қолган.
Қайд этиш лозим, Англия миллий жамоаси жаҳон чемпионатидаги илк учрашувини 17 июндан 18 июнга ўтар кечаси Хорватияга қарши ўтказади.
