Нидерландия миллий жамоаси бош мураббийи Роналд Куман жаҳон чемпионати гуруҳ босқич 1-туридаги Японияга қарши ўйин (2:2)дан сўнг ўз фикрларини билдириб ўтди.
«Ҳисобда икки бор олдинда бўлганимизни ҳисобга олсак, натижадан тўлиқ қониқиш ҳосил қилмадим. Лекин иккала жамоа яратган вазиятлар сонига қарасак тескари ҳолатни айтишим мумкин.
Менимча, бу жуда юқори савиядаги ўйин бўлди. Шунинг учун дурангни тўғри қабул қилиш мумкин.
Одатда, Япония жуда юқори прессинг қилади. Бугун эса буни фақат ҳисобда ортда қолаётганда амалга оширишди. Унгача эса йўқ. Менимча, бу эҳтиёткорлик сабаб бўлди.
Иккинчи голни бурчак зарбасидан ўтказиб юборганимиз ачинарли. Шунга қарамай, натижа — энг муҳими.
Япония жуда кучли ва юқори сифатли жамоа. Бу ўйиндан кейин ўрганадиган жиҳатларимиз етарлича. Шу билан бирга, жуда кўп ижобий томонларни ҳам кўрдим», — деди Куман.
