Жаҳон чемпионати иштирокчиларини таништиришда давом этамиз. F гуруҳи шуниси билан аҳамиятлики, барча тўртта жамоада плей-оффга чиқиш учун имконият бор. Яққол фаворит — Нидерландия, бироқ уларнинг таркиби рақибларни имкониятсиз қолдирадиган даражада кучли эмас.
Японлар анъанага кўра охиригача курашади, майдонда борларини бериб ўйнайди ва сўнгги жаҳон чемпионатларида доимо гуруҳдан чиқишади. Швеция мусобақага қийинчилик билан чиқди, аммо унинг таркибида Европа футболининг кўзга кўринган юлдузлари бор. Тунис тўртинчи ўрин учун асосий даъвогар бўлиб кўринмоқда, лекин қоғозда, амалда эса сенсация қайд этишга тайёр. Демак, F гуруҳи ҳақида сўз юритамиз.
Нидерландия
Бош мураббий: Рональд Куман 2023 йилда миллий жамоага қайтди. У аввал ҳам «апелсинлар» билан ишлаган, бироқ ковид туфайли қолдирилган Европа чемпионатини кутмасдан «Барселона»га кетган.
Каталонияда эса муваффақиятсизликка учраганди. Қайтганидан сўнг голландлар Евро-2024 да ёмон иштирок этмади: яримфиналгача етиб борди ва фақат сўнгги дақиқаларда Англиядан ҳал қилувчи голни ўтказиб юборди. Бироқ жамоа классик голланд футболини намойиш этмагани учун мухлислар томонидан танқид қилинди. Ўшандаги Нидерландия эҳтиёткор эди, тўпга кўп эгалик қилишга интилмади ва ҳужумда маҳоратли комбинацияларни кўрсатмади.
Юлдуз: Жамоа етакчиси ва унинг тизимини ташкил этувчи ўйинчиси — ҳамон «Ливерпул»нинг марказий ҳимоячиси Виржил ван Дейк. У ҳужумларни бошлайди, стандартлар вақтида «иккинчи қаватда» асосий хавф туғдиради ва Нидерландия миллий жамоаси ҳимоясининг марказий фигураси бўлиб қолмоқда. «Барселона»нинг марказий яримҳимоячиси Френки де Йонг ҳам доимо тўп билан муомалада бўлади. Олдинги чизиқда эса Дониэлл Маленни ажратиб кўрсатиш керак.
Таркиб:
Дарвозабонлар: Барт Вербрюгген («Брайтон»), Марк Флеккен («Байер»), Робин Руфс («Сандерленд»)
Ҳимоячилар: Виржил ван Дейк («Ливерпул»), Микки ван де Вен («Тоттенҳэм»), Паул ван Ҳекке («Брайтон»), Натан Аке («Манчестер Сити»), Дензел Дюмфрис («Интер»), Ҳато («Челси»), Жастин Тимбер («Арсенал»).
Яримҳимоячилар: Френки де Йонг («Барселона»), Тиани Рейндерс («Манчестер Сити»), Жастин Клюйверт («Борнмут»), Квинтен Тимбер («Марсел»), Тён Коопмейнерс («Ювентус»), Райян Гравенберҳ («Ливерпул»), Мартен де Рон («Аталанта»), Гус Тил (ПСВ), Матс Виффер («Брайтон»).
Ҳужумчилар: Коди Гакпо («Ливерпул»), Дониэлл Мален («Рома»), Брайан Бробби («Сандерленд»), Ноа Ланг («Галатасарой»), Мемфис Депай («Коринтианс»), Вегҳорст («Аякс»), Крисенсио Саммервилл («Вест Ҳэм»
Чемпионликни қўлга киритиш эҳтимоли (Opta талқинига кўра): 3,6 фоиз.
Япония
Бош мураббий: 2018 йилдан буён жамоани Хадзимэ Мориясу бошқариб келмоқда. ЖЧ-2022 да ушбу мутахассис Япония билан гуруҳда Испания ва Германияни мағлуб этиб, сенсация яратди, бироқ кейин 1/8 финалда Хорватиядан мағлубиятга учради. Мориясу миллий жамоада интизомни ушлаб туради, ҳеч кимга дангасалик қилишга ва кам ишлашга йўл қўймайди. Айнан шунинг учун ҳам япон жамоаси жуда меҳнаткаш ва кам хато қилади.
Юлдуз: «Брайтон» вингери Каору Митома миллий жамоанинг асосий юлдузи ҳисобланади. Афсуски, у жароҳати сабабли жаҳон чемпионатини ўтказиб юборади. Шунингдек, Нидерландия чемпионатида 25 та гол урган «Фейеноорд» ҳужумчиси Аясэ Уэда.
Ҳужумнинг ёрқин ўйинчиси – «Айнтрахт»нинг ҳужумкор яримҳимоячиси Рицу Доан, «Реал»нинг собиқ футболчиси, ҳозирда «Реал Сосиедад»да тўп тепаётган Такэфуса Кубо. «Кристал Пэлас» сафида Конференциялар Лигаси ғолиби Даити Камада майдон марказида ҳаммадан кўп меҳнат қилади.
Таркиб:
Дарвозабонлар: Томоки Ҳаякава («Кашима Антлерс»), Кейсуке Осако («Санфречче Ҳиросима»), Зион Сузуки («Парма»).
Ҳимоячилар: Юто Нагатомо («Токио»), Сого Танигути («Сент-Трюйден»), Коу Итакура («Аякс»), Суёши Ватанабэ («Фейеноорд»), Такэҳиро Томиясу («Аякс»), Ҳироки Ито («Бавария»), Аюму Секо («Гавр»), Юкинари Сугавара («Вердер»), Зюнносукэ Сузуки («Копенҳаген»).
Яримҳимоячилар: Дзюня Ито («Генк»), Даичи Камада («Кристал Пэлас»), Рицу Доан («Айнтрахт»), Ао Танака («Лидс Юнайтед»), Кейго Накамура («Реймс»), Каисю Сано («Майнц»), Такефуса Кубо («Реал Сосиедад»), Юито Сузуки («Фрайбург»).
Ҳужумчилар: Аясэ Уэда («Фейеноорд»), Кэйсуке Гото («Сент-Трюйден»), Дайзэн Маэда («Селтик»), Кэнто Шиогаи («Волфсбург»), Коки Огава («НЕК Неймеген»), Сюто Мачино («Боруссия М»).
Чемпионликни қўлга киритиш эҳтимоли (Opta талқинига кўра): 1,2 фоиз.
Швеция
Бош мураббий: Швеция ЖЧ-2026 саралашида муваффақиятсизликка учраётган эди ва саралаш давомида Грэм Поттерни таклиф қилди. Бу кутилмаган ҳолат бўлди: Поттер «Челси» ва «Вест Ҳэм»да ишни эплай олмаганди, аммо энди ўзи муваффақиятли ишлаган жойга қайтишга қарор қилди (Швеция Кубогини ютган ва камтарин «Эстерсунд»ни юқори дивизионга олиб чиққан). Миллатлар лигаси туфайли шведлар ўтиш ўйинларига йўл олишди ва янги мураббий қўл остида Украина ва Полшани мағлуб этиб, йўлланмага эга чиқишди.
Юлдуз: Швеция таркибида жаҳонга машҳур икки ҳужумчи бор: Виктор Гокереш ва «Ливерпул»дан Александер Исак. Иккаласи ҳам беқарор мавсум ўтказди: Гокереш кўпроқ АПЛга ва «тўпчилар»нинг ўйин услубига мослашиш туфайли, Исак эса — жароҳатлар сабабли. Аммо жаҳон чемпионатига иккаласи ҳам соғлом ва яхши спорт формасида етиб келган. Шунингдек, «Ньюкасл»га катта пулга ўтган, аммо ҳозирча сарфланган маблағни оқлай олмаётган вингер Энтони Элангани ҳам таъкидлаш жоиз.
Таркиб:
Дарвозабонлар: Виктор Юханссон («Сток Сити»), Кристоффер Нордфелдт (АИК), Якоб Виделл-Сеттерстрем («Дерби Каунти»).
Ҳимоячилар: Хялмар Экдал («Бёрнли»), Габриел Гудмундссон («Лидс»), Исак Ҳин («Аталанта»), Эмил Холм («Ювентус»), Густаф Лагербилке («Брага»), Виктор Линделёф («Астон Вилла»).
Яримҳимоячилар: Эрик Смит («Санкт-Паули»), Карл Старфелт («Селта»), Эллиот Струд («Мелльбю»), Даниэл Свенссон («Боруссия Д»), Таха Абди Али («Малмё»), Ясин Айяри («Брайтон»), Лукас Бергвалл («Тоттенҳэм»), Энтони Эланга («Нюкасл»), Йеспер Карлстрем («Удинезе»), Бенямин Нюгрен («Селтик»), Кен Сема («Пафос»), Маттиас Сванберг («Волфсбург»), Бесфорт Зенели («Элфсборг»).
Ҳужумчилар: Александр Бернхардссон («Холштайн»), Виктор Гокереш («Арсенал»), Александер Исак («Ливерпул»), Густаф Нилссон («Брюгге»).
Чемпионликни қўлга киритиш эҳтимоли (Opta талқинига кўра): 0,4 фоиз.
Тунис
Бош мураббий: ЖЧ-2022 дан сўнг Тунис миллий жамоасида мураббийлар алмашинуви юз берди: жамоада олти нафар мутахассис ишлаб кетди. Ниҳоят, раҳбарият асли тунислик бўлган франциялик Сабри Лямушини таклиф қилди. Лямушида жаҳон чемпионатларида ишлаш тажрибаси бор: у 2014 йилда Кот-д’Ивуарни бошқарган, аммо жамоани гуруҳдан олиб чиқа олмаган ва ишдан бўшатилган.
Сабрининг ўзи — таниқли собиқ франциялик футболчи, 1996 йилги Европа чемпионатининг ярим финалигача етиб борган. Бироқ, у ҳозирча мураббийлик фаолиятида йирик муваффақиятларга эришгани йўқ.
Юлдуз: Асосий ўйинчилардан бири — «Бёрнли» аъзоси Ҳаннибал Межбри. Яримҳимоячи жароҳат туфайли жаҳон чемпионатини ўтказиб юбориши хавфи остида эди, бироқ тикланишга улгурди.
Таркиб:
Дарвозабонлар: Аймен Дамен («Сфаксен»), Сабри Бен Ҳассан («Этуал дю Саҳел»), Абделмуҳиб Шамах («Клуб Африкен»).
Ҳимоячилар: Ян Валери («Янг Бойз»), Мутаз Неффати («Норрчопинг»), Дилан Бронн («Серветт»), Раед Чихауи («Монастир»), Монтассар Талби («Лорян»), Адем Арус («Қосимпошша»), Омар Рекик («Марибор»), Али Абди («Ницца»), Муҳаммад Амин Ҳамида («Эсперанс»).
Яримҳимоячилар: Эллиес Скири («Айнтрахт»), Анис Бен Слимане («Норвич Сити»), Рани Ҳедира («Унион» Берлин), Мортада Бен Уаннес («ٍҚосимпошша»), Исмаэл Гарби («Аугсбург»), Хаж Маҳмуд («Лугано»), Ганнибал Межбри («Бёрнли»).
Ҳужумчилар: Элиас Саад («Ганновер»), Ҳалил Аяри («ПСЖ»), Элиас Ашури («Копенгаген»), Себастян Тунекти («Селтик»), Ҳазем Мастури («Динамо» Махачкала), Фирас Шауат («Клуб Африкен»), Райан Эллуми («Ванкувер Уайткэпс»).
Чемпионликни қўлга киритиш эҳтимоли (Opta талқинига кўра): 0,2%
