Туркия ЖЧда 52 йиллик антирекордни такрорлади

Туркия миллий жамоаси Жаҳон чемпионатида Австралияга қарши ғайриоддий ўйин ўтказди.

Монтелла жамоаси рақиб дарвозасига 30 марта зарба берди, аммо бирорта ҳам гол ура олмади. Якунда «кенгурулар» 2:0 ҳисобида ғалаба қозонди.

Opta маълумотларига кўра, Туркия 2006 йилдан бери Жаҳон чемпионати ўйинида 30 ёки ундан ортиқ зарба бериб, гол ура олмаган биринчи жамоага айланди. Ўшанда Португалия ЖЧ–2006 чоракфиналида Англияга қарши баҳсда гол уролмаган. Ўшанда асосий ва қўшиича бўлимлар 0:0 ҳисобида якунланганиб, пеналтилар сериясида португаллар устун келганди.

Шу билан бирга, Туркия 1974 йилдан бери жаҳон чемпионатида 30 тадан ортиқ зарба бериб, гол урмасдан мағлуб бўлган биринчи жамоа бўлди. Бундан олдин шундай ҳолат Уругвай билан содир бўлган: улар гуруҳ босқичида Швецияга 0:3 ҳисобида ютқазганди.

Австралия ва Туркия АҚШ ҳамда Парагвай билан бирга D гуруҳида иштирок этмоқда.