Жаҳон чемпионати иштирокчиларини таништиришда давом этамиз. Бу сафар D гуруҳи ҳақида сўз боради.
Ҳар бир жаҳон чемпионатига мезбонлик қиладиган мамлакатлар футбол жамоатчилиги эътиборида. АҚШ ушбу квартетдан жой олган, унга Туркия, Парагвай ва Австралия қаршилик кўрсатади.
Айтиш керакки, бу гуруҳда яққол фаворит ёки ўта кучсиз миллий жамоа йўқ. Ҳамманинг имкониятлари тенг. Демак, D гуруҳи билан танишамиз.
АҚШ
Бош мураббий: Мезбонларни ҳозирда аргентиналик Маурисио Почеттино бошқармоқда. У асосан клублар футболида ном қозонган. «Тоттенҳэм»да муваффақиятли фаолият юритди, жамоани Чемпионлар лигаси финалига олиб чиқди. Шунингдек, унинг маълумотларида «ПСЖ» ва «Челси» каби бошқа номдор клублар ҳам бор.
АҚШ мураббийга йилига 6 миллион доллар маош тўламоқда. Маурисио ҳозирда 2026 йилги жаҳон чемпионатида ишловчи мураббийлар орасида энг юқори маошга эга бўлган учинчи мутахассисдир.
Юлдуз: Америка таркибида энг машҳур футболчи Кристиан Пулишич ҳисобланади. У аллақачон Европанинг топ жамоаларида ўйнашга муваффақ бўлган. Мамлакатда тўрт марта йил футболчисига айланган. Америка футболи афсонаси Лэндон Донован каби машҳур.
Шунингдек, таркибда Фоларин Балогун, Уэстон Маккенни, Малик Тилманн, Бренден Ааронсон ва Рикардо Пепи каби ёш юлдузлар ҳам бор.
Таркиб
Дарвозабонлар: Крис Брейди («Чикаго Файр»), Мэтт Фриз («Ню-Йорк Сити»), Мэтт Тёрнер («Ню-Инглэнд Революшн»).
Ҳимоячилар: Макс Арфстен («Коламбус Крю»), Сержино Дест (ПСВ), Алекс Фримен («Вилярреал»), Марк Маккензи («Тулуза»), Тим Рим («Шарлотт»), Крис Ричардс («Кристал Пэлас»), Энтони Робинсон («Фулҳэм»), Майлз Робинсон («Цинциннати»), Жозеф Скалли («Боруссия» Мёнҳенгладбаҳ), Остон Трасти («Селтик»).
Яримҳимоячилар: Тайлер Адамс («Борнмут»), Себастян Берҳалтер («Ванкувер Уайткэпс»), Уэстон Маккенни («Ювентус»), Жованни Рейна («Боруссия» Мёнҳенгладбаҳ), Кристиан Ролдан («Сиэтл Саундерс»), Малик Тиллман («Байер»).
Ҳужумчилар: Бренден Ааронсон («Лидс Юнайтед»), Фоларин Балогун («Монако»), Рикардо Пепи (ПСВ), Кристиан Пулишич («Милан»), Тимоти Веа («Марсел»), Ҳажи Райт («Ковентри Сити»), Алекс Сендеҳас («Америка»).
Чемпионлик эҳтимоли (Opta): 1,30 фоиз.
Австралия
Бош мураббий: Тони Попович – Австралиянинг яқин ўтмишида таниқлик футболчилардан бўлган. У миллий жамоа сафида 59 ўйинда иштирок этган. Аммо 2006 йилги жаҳон чемпионатида илк ўйиндаёқ жароҳат олганди. Тони 2024 йилдан буён миллий жамоани бошқармоқда. Бу мураббий бошқарувида яшил қитъа саралашда жуда муваффақиятли ўтказди. 16 та баҳснинг фақат биттасида – Баҳрайнга ютқазди.
Юлдуз: Ҳозирга келиб Австралияда яққол юлдуз футболчи йўқ. Фақатгина дарвозабон Мэтю Райанни алоҳида кўрсатиш мумкин. Чунки 34 ёшли кипер Европанинг етакчи лигаларида тўп тепган. Ҳозирда «Леванте» дарвозасини қўриқламоқда. Умуман олганда Мэтю миллий жамоада юздан ортиқ ўйин ўтказган ва жамоа сардори ҳисобланади.
Мамлакат бўлажак мундиалда ҳам айнан ундан катта умид қилмоқда. Чунки аввалги жаҳон чемпионатида у 12 та сэйвни амалга оширганди.
Таркиб:
Дарвозабонлар: Патрик Бич («Мелбурн Сити»), Пол Иззо («Раннерс»), Мэтю Райан («Леванте»).
Ҳимоячилар: Азиз Бехич («Мелбурн Сити»), Жордан Бос («Фейеноорд»), Кэмерон Бургесс («Суонси Сити»), Алессандро Чиркати («Парма»), Милош Дегенек (АПОЭЛ), Жейсон Жерия («Албирекс Нигата»), Лукас Ҳеррингтон («Колорадо Рэпидз»), Жейкоб Италяно (ГАК), Гарри Суттар («Лестер»), Кай Тревин («Ню-Йорк Сити»).
Яримҳимоячилар: Кэмерон Девлин («Ҳартс»), Айдин Хрустич («Ҳераклес»), Жексон Ирвин («Санкт-Паули»), Коннор Меткалф («Санкт-Паули»), Пол Окон-Энгстлер («Сидней»), Эйден О'Нил («Ню-Йорк Сити»).
Ҳужумчилар: Нестори Иранкунда («Уотфорд»), Мэтю Леки («Мелбурн Сити»), Авер Мабил («Элтам»), Муҳаммад Туре («Норвич»), Нишан Велупиллай («Мелбурн Виктори»), Кристиан Волпато («Сассуоло»), Тете Йенги («Матида Зелвия»).
Чемпионлик эҳтимоли (Opta): 0,36 фоиз.
Туркия
Бош мураббий: Туркия футболи сўнгги йилларда катта ўсишга эришди. Бунда шубҳасиз бош мураббий Винченцо Монтелланинг ҳиссаси бор. Ушбу мутахассис Туркияни 2002 йилдан буён илк бор жаҳон чемпионатига олиб чиқди. Ўша мусобақада Монтелла футболчи сифатида ўйнаганди.
Винченцо дастлаб «Рома»да мураббий сифатида иш бошлади. Кейин Италиянинг турли клубларини бошқарди. Натижалар кўнгилдагидек чиқмади. 2021 йилда Туркия миллий жамоасини бошқариш таклифини олди. Шундан бери натижалар яхшиланмоқда.
Юлдуз: Бугунги кунда миллий жамоада истиқболли футболчилар кўп. Хусусан, Арда Гулерни алоҳида кўрсатиш мумкин. «Реал» яримҳимоячиси мавсумдан мавсумга кучайиб бормоқда ва трансфер нархи аллақачон 90 миллион еврога баҳоланмоқда.
Шунингдекя, 21 ёшли вингер Кенан Йилдизни ҳам алоҳида кўрсатиш мумкин. Бу икки юлдуз футболчи майдоннинг турли қисмларида ўйнаши эса Монтелланинг ишини осонлаштиради. Қолаверса, «Интер» аъзоси Ҳоқон Чалхонўғли ҳам борлигини ёддан чиқармаслик керак.
Таркиб
Дарвозабонлар: Олтой Байиндир («Манчестер Юнайтед»), Мерт Гунок («Фенербаҳче»), Угуржан Чақир («Галатасарой»).
Ҳимоячилар: Абдулкарим Бардакчи («Галатасарой»), Чағлар Суюнчи («Фенербаҳче»), Эрен Элмали («Галатасарай»), Ферди Кадиўғли («Брайтон»), Мериҳ Демирал («Ал-Аҳли»), Мерт Мулдур («Фенербаҳче»), Ўзан Қобоқ («Ҳоффенҳайм»), Самет Оқойдин («Ризеспор»), Зеки Челик («Рома»), Каан Ойхон («Галатасарой»).
Яримҳимоячилар: Ҳоқон Чалхонўғли («Интер»), Исмоил Юксак («Фенербаҳче»), Ўрхун Кўкчи («Бешиктош»), Солиҳ Ўзжан («Боруссия» Дортмунд), Арда Гулер («Реал»), Ирфон Қаҳвачи («Қосимпошо»), Ўғуз Ойдин («Фенербаҳче»), Юнус Оқкун («Галатасарой»).
Ҳужумчилар: Бариш Алпер Йилмаз («Галатасарой»), Жан Узун («Айнтрахт»), Дениз Гул («Порту»), Кенан Йилдиз («Ювентус»), Карим Оқтуркўғли («Фенербаҳче»).
Чемпионлик эҳтимоли (Opta): 0,96 фоиз.
Парагвай
Бош мураббий: Ҳозирда ушбу миллий жамоани аргентиналик Густаво Алфаро бошқармоқда. Мураббий асосан клубларда кўп вақт ишлаган. Саудия Пролигасининг номдор жамоаларидан бири «Ал Аҳли»ни бошқарган. 2022 йилда у Эквадорни жаҳон чемпионатига олиб келганди. Гуруҳдаёқ мусобақа билан хайрлашган. Кейинчалик Коста-Рика билан бир муддат ишлади, ушбу жамоа ЖЧ-2026 саралашини айнан Алфаро қўли остида бошлаганди. Сўнгра у Парагвайда иш бошлади ва миллий жамоани 16 йил ичида илк бор жаҳон биринчилигига олиб чиқди.
Юлдуз: Ҳозирда Парагвайнинг асосий юлдузи сифатида «Нюкасл»даги ўйинлари билан машҳурликка эришган ва ҳозирда МЛС чемпионатида тўп тепаётган Мигел Алмирон ҳисобланади.
Жамоадаги яна бир юлдуз Франциянинг «Страсбур» клуби аъзоси ҳисобланган Ҳулио Энсисо эди. Аммо ушбу яримҳимоячи турнир арафасидаги йиғин вақтида жароҳат олди ва узоқ кутилган мундиалда қатнаша олмайдиган бўлди.
Таркиб:
Дарвозабонлар: Орландо Ҳилл («Сан-Лоренцо»), Гастон Олвейра («Олимпия»), Роберто Фернандес («Серро Портено»).
Ҳимоячилар: Хуан Касерес («Динамо» Москва), Густаво Веласкес («Серро Портено»), Густаво Гомес («Палмейрас»), Хуниор Алонсо («Атлетико Минейро»), Хосе Канале («Ланус»), Омар Алдерете («Сандерленд»), Александро Майдана («Талерес»), Фабиан Балбуэна («Гремио»).
Яримҳимоячилар: Диего Гомес («Брайтон»), Маурисио Магаляйнс («Палмейрас»), Дамян Бобадиля («Сан-Паулу»), Брайан Охеда («Орландо»), Андрес Кубас («Ванкувер»), Матиас Галарса («Атланта»), Каку («Ал-Айн»), Рамон Соса («Палмейрас»), Мигел Алмирон («Атланта Юнайтед»).
Ҳужумчилар: Густаво Кабалеро («Портсмут»), Алекс Арче («Индепенденте Ривадавиа»), Габриэл Авалос («Индепенденте»), Исидро Питта («Ред Булл Брагантино»), Хулио Энсисо («Страсбург»), Антонио Санабрия («Кремонезе»).
Чемпионлик эҳтимоли (Opta): 0,52 фоиз.
D гуруҳи тақвими
1-тур
13 июн, соат 06:00 (Тошкент вақти)
АҚШ – Парагвай
14 июн, соат 09:00
Австралия – Туркия
2-тур
20 июнга ўтар кечаси, соат 00:00
АҚШ – Австралия
20 июн, соат 06:00
Туркия – Парагвай
3-тур
26 июн, соат 07:00
Туркия – АҚШ
26 июн, соат 07:00
Парагвай – Австралия.
