Жасур Яхшибоев «Локомотив»га қайтди

Жасур Яхшибоев яна «Локомотив» сафига қўшилди.

Феврал ойида Тошкент клуби ҳужумкор ўйинчининг трансферини эълон қилганди, аммо ўшандан бери 28 ёшли футболчи жамоада кўриниш бермади. Ёзги танаффусда эса Жасур яна «темирйўлчилар» ихтиёрига қайтди.

ПФЛ матбуот хизмати хабар беришича, Яхшибоев «Локомотив» билан 2027 йил декабргача мўлжалланган шартнома тузди.

Футболчи фаолияти давомида «Пахтакор», «Навбаҳор», ОКМК, Қозоғистоннинг «Ордабаси», Беларуснинг «Шахтёр», «Энергетик-БГУ», Молдованинг «Шериф», Полшанинг «Легия» ҳамда Эроннинг «Нассажи» клубларида тўп тепган. У 2025 йил ёзидан бери ўйнамаяпти.