«Бавария» ва Германия миллий жамоаси яримҳимоячиси Леннарт Карл ЖЧ-2026 олдидан олган жароҳати ҳақида фикр билдирди.
«Жароҳат машғулот вақтида дарвозага зарба бераётганимда юз берди. Бирданига кескин оғриқ сездим. Бу мен учун ҳақиқий шок бўлди, чунки ўзимни жуда яхши ҳис қилаётгандим ва катта умидлар билан яшаётгандим.
Жаҳон чемпионатида иштирок этиш менинг орзум эди. Афсуски, жароҳат бунга тўсқинлик қилди. Энди буни қабул қилиш ва олдинга қараб ҳаракат қилишим керак», — деди футболчи Bild нашрига берган интервюсида.
Аввалроқ Германия миллий жамоаси бош мураббийи Юлиан Нагелсманн ёш футболчининг машғулот вақтида жароҳат олганини маълум қилганди.
Кейинчалик тиббий текширувлар Карлга мушак толаси узилиши ташхиси қўйилганини кўрсатди. Шу сабабли яримҳимоячи ЖЧ-2026га қадар тикланишга улгурмади.
Натижада Германия миллий жамоаси қайдномасида унинг ўрнини «РБ Лейпциг» футболчиси Ассан Уедраого эгаллади.
Леннарт Карл Германия футболининг энг истиқболли ёш истеъдодларидан бири сифатида кўрилмоқда ва мутахассислар унинг келажакда миллий жамоанинг муҳим футболчиларидан бирига айланишига ишонмоқда.
