Niderlandiya milliy jamoasi bosh murabbiyi Ronald Kuman jahon chempionati guruh bosqich 1-turidagi Yaponiya qarshi o'yin (2:2)dan so'ng o'z fikrlarini bildirdi.
"Hisobda ikki bor oldinda bo'lganimizni hisobga olsak, natijadan to'liq qoniqish hosil qilmadim. Lekin ikkala jamoa yaratgan vaziyatlar soniga qarasak teskari holatni aytishim mumkin.
Menimcha, bu juda yuqori saviyadagi o'yin bo'ldi. Shuning uchun durangni to'g'ri qabul qilish mumkin.
Odatda, Yaponiya juda yuqori pressing qiladi. Bugun esa buni faqat hisobda ortda qolayotganida amalga oshirishdi. Ungacha esa yo'q. Menimcha, bu ehtiyotkorlik sabab bo'ldi.
Ikkinchi golni burchak zarbasidan o'tkazib yuborganimiz achinarli. Shunga qaramay, natija — eng muhimi.
Yaponiya juda kuchli va yuqori sifatli jamoa. Bu o'yindan keyin o'rganadigan jihatlarimiz yetarlicha. Shu bilan birga, juda ko'p ijobiy tomonlarni ham ko'rdim", — dedi Kuman.
