Нидерландия миллий жамоаси сардори Виржил ван Дейк Японияга қарши бўлиб ўтган ўйин ҳақида фикр билдирди.
«Ўйиннинг сўнгги дақиқаларида чуқур ҳимояга ўтдик. Лекин ўйиндаги вазият шунга мажбур қилганини билиб турибмиз. Рақиб кўп имконият яратмади, бироқ бор имкониятларидан максимал фойдаланди.
Бурчак зарбасидан тўп ўтказиб юборганимиз эса аламли бўлди. Энди бор эътиборимизни Швецияга қарши ўйинга қаратамиз. Биз шунчаки олдинга интилишда давом этишимиз керак. Бу ҳали бошланиши, биз турнирга яхши қўшилиб кетишимиз зарур. Умид қиламанки, олдинда ҳали кўп ўйинларимиз бор», — дея Ван Дейкнинг сўзларидан келтиради FIFA расмий сайти.
Эслатиб ўтамиз, Нидерландия миллий жамоаси Японияга қарши ўйиннинг сўнгги дақиқаларида ўтказиб юбориб, ғалабани бой берди.
