Португалия миллий жамоасининг етакчи яримҳимоячиларидан бири Витиня жаҳон чемпионатида жамоасининг имконияти ҳақида фикр билдирди.
«Португалия — энг юқори даражадаги жамоа. Миллий жамоада дунёнинг энг кучли клубларида ўйнайдиган кўплаб ажойиб футболчилар бор.
Биз чемпионлик учун даъвогармиз, аммо асосий фаворит эмасмиз. Мундиалда ўз салоҳиятимизни тўлиқ намоён қилишимиз керак», — дея яримҳимоячининг сўзларини келтиради A Bola.
Маълумот ўрнида, Португалия гуруҳ босқичида Ўзбекистон, Колумбия ва Конго ДР жамоаларига қарши майдонга тушади. Роберто Мартинес шогирдлари илк ўйинни 17 июн куни Африка жамоасига қарши ўтказади.
