Turkiya milliy jamoasi bosh murabbiyi Vinchenzo Montella jahon chempionati guruh bosqich 1-tur doirasidagi Avstraliyaga qarshi o'yin (0:2)dan so'ng o'z fikrlarini bildirdi.
"O'yin taktik jihatdan kutganimizdek kechmadi. Ular himoyada yotib, qulay vaziyat kutishini bilardik. Ular qarshi hujumlardan foydalandi. Ikkita gol o'tkazib yubordik va natijadan juda xafamiz.
Jamoamiz maydonda chin yurakdan o'ynadi. Agar shu ruhda davom etsak, istalgan natijalarga erisha boshlaymiz. Keyingi o'yinda yaxshiroq harakat qilamiz", — deya Montellaning so'zlarini keltiradi A Spor.
Ma'lumot o'rnida, guruh bosqichining 2-turida Turkiya 20 iyun kuni Paragvayga qarshi maydonga tushadi. 3-turda esa jamoa 26 iyun kuni AQSh bilan kuch sinashadi.
