Швециялик собиқ футболчи Златан Ибраҳимович АҚШ миллий жамоасини 2026 йилги жаҳон чемпионатида ғолиб бўлиш имкониятига эга деб ҳисоблайди.
Қайд этиш лозим, Маурисио Почеттино бошчилигидаги жамоа Парагвай (4:1) ва Австралия (2:0) устидан ғалаба қозониб, турнирнинг плей-офф босқичига чиқди.
«Агар аввал шубҳаланган бўлсангиз, яна бир бор айтаман: бу жамоага ишониш вақти келди. Уларни бутун мамлакат қўллаб-қувватлаяпти, бундай ёрдам жамоанинг имкониятларини янада кучайтиради.
Австралияга қарши ўйин ажойиб бўлди. Тан олиш керак, австралияликлар рақиб дарвозаси олдида жиддий хавф ярата олмади.
Жаҳон чемпионатигача бўлган барча нарса энди аҳамиятсиз. Ҳозир энг муҳими — бугун кўраётганимиз. Жамоа керакли импулсни топди ва бу айнан уларга керак эди.
Улар ҳар бир кейинги ўйинда ишончни ошириб боришлари керак. Плей-оффга чиқишгач, айрим футболчиларга дам бериш имконияти ҳам пайдо бўлади. Умуман олганда, вазият улар учун яхши кетмоқда», — дейди Ибраҳимович Daily Mail нашрига берган интервюсида.
Қолаверса, АҚШнинг жаҳон чемпионатида ғолиб бўлиш имконияти ҳақидаги саволга собиқ футболчи ишонч билан жавоб берди: «Ҳа, уларда бундай имкон бор».
