Бразилия миллий жамоаси вингери Винисиус Жуниор жаҳон чемпионати гуруҳ босқич 2-тур доирасидаги Ҳаитига қарши баҳс (3:0)дан сўнг ўз фикрларини билдириб ўтди.
«Бу жамоадаги барча учун жуда муҳим палла. Ғалаба бизга кейинги ўйин олдидан ишонч ва хотиржамлик бағишлайди. Бу ўта муҳим.
Гол уриш ва ассист бериш имконияти менга миллий жамоада эришмоқчи бўлган даражага чиқишимга ёрдам беради. Ҳали кўп жиҳатларни яхшилаш керак, аммо ушбу икки ўйин бизга ўз кучимизга ишонч бермоқда.
Мен миллий жамоа учун янада кўпроқ иш қилишни истайман. Фақат голлар билан эмас, балки бугунги ўйинда қилган меҳнатим билан ҳам ёрдам беришни хоҳлайман.
Жамоадаги аҳамиятимни биламан ва агар яхши формада бўлсам, ўйинга катта ҳисса қўша оламан.
Биз халқимиз ва яқинларимизга қувонч бағишлаш учун шу ердамиз. Бу ўйин шундайлардан бири бўлди, биз доим жаҳон чемпионатида ўйнашни орзу қилганмиз.
Биз доим мундиалда гол уришни, халқимизнинг биз билан фахрланишини орзу қилганмиз», — деди Винисиус.
