Tribuna.uz сайтининг Қозоғистондаги ҳамкори Sports24.kz сайти Ўзбекистоннинг Колумбияга (1:3) учрашувидан кейин россиялик таниқли футбол шарҳловчиси, «Матч ТВ» телеканали журналисти Георгий Черданцев билан Фабио Каннаваро шогирдларининг дебют ўйинини таҳлил қилди.
Георий Черданцев Колумбияга қарши миллий жамоамизнинг ўйинини эътироф этган бўлса-да, Португалияга қарши 2-тур ўйинида имконияти жуда пастлигини маълум қилди.
«Ўзбекистонга қарши ўйинда Роналдуни кимдир Португалиянинг захира ўриндиғига ўтқиза олмайди, агар унинг ўзи буни истамаса. Унинг атрофидан кимдир унга буни тўғри тушунтириши керак бўлади. Акс ҳолда у бировнинг ўрнини банд қилаверади. Ҳозир шахсий натижадан кўра, жамоавий натижа муҳимроқ саналади.
Ўзбекистоннинг ЖЧ-2026даги мақсади аввало турнирда муносиб иштирок бўлиши керак. Қолгани омад билан боғлиқ.
Ўзбекистон бу турда гуруҳ фаворитига қарши ўйнайди. Афсуски, португаллар 1-турда зарур очколарни йўқотиб қўйишди. Энди улар яна очко йўқотилишига йўл қўйишмайди. Ўзбекистон бу учрашувга тайёр бўлади, аммо натижа ҳақида сўрасангиз, Ўзбекистоннинг Португалияга қарши дуранг ўйнаши ёки ғалаба қозониш имконияти нолга тенг. Улар Колумбияга қарши қўрқмай ўйнагандек, бу сафар ҳам ўз ўйинларини кўрсатишлари керак», - деди Георгий Черданцев.
Қуйида тўлиқ суҳбатни томоша қилинг:
