Ганалик собиқ яримҳимоячиси Кевин-Принс Боатенг Португалия миллий жамоаси ҳужумчиси ва сардори Криштиану Роналду ҳақида фикр билдирди.
«Агар Роналду ҳақиқий жамоаавий футболчи бўлганида четга чиқиб, ёш ўйинчиларга ўзларини кўрсатишлари учун имконият берган бўларди. Менимча, Португалия Роналдусиз яхшироқ жамоага айланади.
Криштиану майдонда бўлганида жамоага катта босим тушмоқда. Чунки ҳамма унга тўп узатишни истайди. Агар Португалия турнирда узоқроққа бормоқчи бўлса, Роналду ортга чекиниши керак. Мураббийлар сўнгги 15-20 дақиқада уни захирадан майдонга тушириши керак», — деди Боатенг.
Эслатиб ўтамиз, Португалия турнирнинг 2-турида Ўзбекистонга қарши беллашади. Бу баҳс 23 июн куни Тошкент вақти билан соат 22:00 да старт олади.
