«Марсел» клуби даниялик яримҳимоячиси Пер-Эмил Ҳёйбергни сотиб олиш масаласида «Бешиктош» томонидан берилган таклифни рад этди. Бу ҳақда нуфузли L’Équipe нашри хабар тарқатди.
Манбага кўра, Истанбул клуби 29 ёшли футболчи учун тахминан 10 миллион евро таклиф қилган.
Қайд этилишича, ушбу ёзги трансфер ойнасида хавбекнинг Франция клубини тарк этиш эҳтимоли жуда юқори. Сабаби, провансалликлар УЕФАнинг молиявий регламенти (фейр-плей) чекловларига сиғиш учун бир қатор етакчи ижрочиларни сотишга мажбур бўлмоқдалар.
Ҳёйберг футболчилик фаолияти давомида «Бавария», «Аугсбург», «Шалке», «Саутҳэмптон» ва «Тоттенҳэм» каби клубларда тўп тепган.
