Жазоир футбол федерацияси жаҳон чемпионати гуруҳ босқичи 1-туридан ўрин олган Аргентинага қарши баҳсни бошқарган ҳакамдан норози бўлди.
TSA нашри хабар беришича, африкаликлар бош ҳакам полшалик Шимон Марчиняк томонидан йўл қўйилган қўпол хатолар юзасидан FIFA’га расмий шикоят ариза билан мурожаат қилди.
Такдим этилган шикоятномада қайд этилишича, баҳс давомида аргентиналик футболчилар томонидан содир этилган иккита жиддий қоидабузарлик ҳакам томонидан жазосиз қолдирилган.
Хусусан, биринчи вазият ўйиннинг 31-дақиқасида юз берган: Аргентина миллий жамоаси ҳужумчиси Лионел Месси рақиб ҳимоячиси Айсса Мандининг болдир қисмига бутсасининг тишлари (шипи) билан очиқчасига зарба берган бўлса-да, Марчиняк ҳатто сариқ карточка ҳам кўрсатмаган.
Иккинчи ҳакамлик хатоси сифатида учрашувнинг 74-дақиқасида аргентиналик яримҳимоячи Алексис Макаллистернинг жазоирлик вингер Иброҳим Маза юз қисмига тирсак билан зарба бергани кўрсатилган.
