«Тоттенҳэм» ва Нидерландия миллий жамоаси ҳимоячиси Микки ван де Вен «Барселона» ва «Ливерпул»нинг қизиқишлари доирасига тушиб қолди, дея хабар бермоқда De Telegraaf.
Манбага кўра, иккала клуб ҳам футболчи билан шартнома имзолаш имкониятини кўрмоқда. Чунки «Тоттенҳэм» ҳалигача нидерландиялик 25 ёшли футболчи билан шартномани узайтириш борасида келиша олмаган. Унинг амалдаги шартномаси 2029 йилнинг 30 июнигача мўлжалланган.
Эслатиб ўтамиз, ван де Вен 2023 йилдан буён «тақачалир» сафида тўп суриб келади.
Ўтган мавсумда футболчи 45 та ўйинда майдонга тушиб, 7 та гол урди ва битта голли узатмани амалга оширди. Transfermarkt порталига кўра, футболчининг бозор қиймати 50 миллион еврони ташкил этади.
