«Тоттенҳэм» клуби ҳимоячи Ян Паул ван Ҳеккенинг трансферини эълон қилди.
Қайд этилишича, нидерландиялик 26 ёшли футболчи «тақачилар» билан узоқ муддатли шартнома имзолаган.
Аввалроқ клуб ван Ҳеккенинг трансфери учун «Брайтон»га 52 миллион фунт стерлинг тўлаши хабар қилинганди. Шунингдек, «чайкалар» ҳимоячининг кейинги эҳтимолий трансферидан 20 фоиз улуш олади.
Маълумот учун, ван Ҳекке 2020 йилнинг сентябридан бери «Брайтон» сафида ўйнаб келаётганди. Бу давр мобайнида футболчи барча турнирларда 131 та ўйинда иштирок этиб, ўз ҳисобига тўртта гол ва олтита голли узатма ёздириб қўйган.
Transfermarkt порталида тақдим этилган маълумотларга кўра, ҳимоячининг бозор қиймати 45 миллион еврони ташкил этади.
