Portugaliya milliy jamoasi markaziy himoyachisi Ruben Diash JCH guruh bosqich 1-turida Afrika vakiliga qarshi o‘yin (1:1) borasidagi fikrlari bilan o‘rtoqlashdi.
— Kongo DR milliy jamoasi bilan o‘yinda g‘alaba uchun nima yetishmadi?
— Bu borada ko‘plab tahlilchilar o‘z fikrlarini bildirib o‘tishdi, odamlar o‘yin haqida batafsil ma’lumotga ega bo‘lib ulgurdi. Biz tezkor gol ura oldik va o‘yinni yaxshi boshlagandik — o‘sha lahzada energiyani his qilardik, ammo keyin bo‘shashdik va tartibni yo‘qotdik. Shu sababli, biz samarali harakatlarni davom ettira olmadik va raqibga zarur bo‘lgan qo‘rquv hissini singdira olmadik. O‘yin qandaydir g‘alati dinamikada davom etdi. Natijada jamoaviy intizom yo‘qoldi — va biz buni tushunib turibmiz. Kelajakda faqatgina ijobiy lahzalarni ko‘ryapman, — deya Diash so‘zlaridan iqtibos keltirdi A Bola.
Eslatib o‘tamiz, Portugaliya milliy jamoasi 23-iyun kuni 2-tur doirasida O‘zbekistonga qarshi maydonga tushadi.
