ЖЧ-2026 гуруҳ босқичининг 2-турида Нидерландия миллий жамоаси Швеция устидан 5:1 ҳисобида ишончли ғалаба қозонди.
АҚШнинг Хюстон шаҳридаги «NRG Stadium» стадионида ўтказилган баҳсда Роналд Куман шогирдлари ўйин бошиданоқ ташаббусни қўлга олди.
Учрашувнинг 5-дақиқасида Браян Бробби ҳисобни очган бўлса, 17-дақиқада ўзининг иккинчи голини уриб, дубл қайд этди.
Иккинчи бўлим бошида Коди Гакпо ҳам ўз сўзини айтди. У 47 ва 54-дақиқаларда гол уриб, ҳисобни 4:0 кўринишига олиб келди.
59-дақиқада Энтони Эланга Швециянинг ягона голига муаллифлик қилди. Якуний нуқтани эса 89-дақиқада Крисенсио Саммервилл қўйди.
Мазкур ғалабадан сўнг Нидерландия ҳисобидаги очколар сони 4 тага етди ва жамоа Ф гуруҳи пешқадамига айланди. Швеция эса 3 очко билан иккинчи ўринда қолди.
ЖЧ-2026. 2-тур
Нидерландия — Швеция 5:1
Голлар: Бробби 5, 17, Гакпо 47, 54, Саммервилл 89 — Эланга 59.
Нидерландия: Барт Вербрюгген, Дензел Дюмфрис, Ян-Паол ван Хекке, Виржил ван Дейк, Мики ван де Вен, Райан Гравенберх, Френки де Йонг (59' Гус Тил), Тидяни Рейндерс (59' Тен Копмейнерс), Дониелл Мален (46' Крисенсио Саммервилл), Браян Бробби (72' Мемфис Депай), Коди Гакпо (90' Ноа Ланг).
Швеция: Кристоффер Нордфелдт, Густав Лагербилке, Исак Хин, Виктор Линделёф, Александер Бернхардссон (55' Энтони Эланга), Бенямин Нюгрен (55' Лукас Бергвалл), Еспер Карлстрём (55' Бесфорт Зенели), Ясин Аяри (79' Таҳа Абди Али), Габриел Гудмундссон, Виктор Гокереш, Александер Исак.
