Нидерландия миллий жамоаси футболчилари Брайан Бробби ва Коди Гакпо жаҳон чемпионати-2026 гуруҳ босқич 2-тур доирасида Швеция билан ўйинда (5:1) дубл расмийлаштиришга муваффақ бўлишди.
Бундай ҳолат жаҳон чемпионатларида 2014 йилдан буён кузатилмаганди. Ўшанда Арена Роббен ва Робин ван Перси бир ўйинда 2 тадан гол уришганди.
«Бу ҳақда билмасдим, аммо жуда ҳам хурсандман. Фахрланаман. Робин ван Перси ва Арен Роббен — Нидерландиянинг афсоналари. Улар билан бир қаторда тилга олиниш — бу мен учун ҳам, жамоа учун юксак шараф», — дея Бробби сўзларидан иқтибос келтирди FIFA.
«Унга ўз номингни ёздириб қўйиш учун яхши рўйхат. Роббен ва ван Перси — энди эса Брайан ва мен. Шубҳасиз, фахрланишга арзийдиган сабаб бор. Мен 2014 йил 15 ёшимда Нидерландия ва Испания ўртасидаги афсонавий баҳсни томоша қилганман, ўшанда нидерландияликлар 5:1 ҳисобида ғалаба қозонган. Энди эса бизнинг ўзимиз мухлисларнинг янги авлоди учун хотиралар яратяпмиз», - қўшимча қилди Гакпо.
Маълумот учун, Нидерландия миллий жамоаси 4 очко билан F гуруҳида етакчилик қилмоқда. Кейинги турда жамоа 26 июн куни Тунис билан баҳс олиб боради.
