Нидерландия миллий жамоаси ҳужумчиси Брайaн Бробби ЖЧ-2026 гуруҳ босқичининг 2-турида Швеция устидан қозонилган 5:1 ҳисобидаги ғалабадан кейин ўз фикрлари билан ўртоқлашди.
Мазкур учрашувда дубл қайд этган футболчи жамоанинг бирдамлиги асосий омил бўлганини айтди.
«Ўйин натижасига бевосита таъсир қила олиш ҳар доим ажойиб ҳис-туйғу беради. Менимча, бугун биз ҳақиқий жамоа сифатида жуда яхши ўйнадик.
Жамоамиз жуда аҳил. Биз бир-биримиз учун курашишга тайёрмиз ва энг муҳими ҳам шу», — деди Бробби ФИФА матбуот хизматига.
Эслатиб ўтамиз, Нидерландия Швецияни 5:1 ҳисобида мағлуб этди. Браян Бробби учрашувнинг 5 ва 17-дақиқаларида гол уриб, жамоасининг йирик ғалабасига катта ҳисса қўшди.
Ушбу натижадан сўнг «учар голландлар» 4 очко билан F гуруҳи пешқадамига айланди. Швеция эса 3 очко билан иккинчи ўринда бормоқда.
