Niderlandiya milliy jamoasi futbolchilari Brayan Brobbi va Kodi Gakpo jahon chempionati-2026 guruh bosqich 2-tur doirasida Shvetsiya bilan o‘yinda (5:1) dubl rasmiylashtirishga muvaffaq bo‘lishdi.
Bunday holat jahon chempionatlarida 2014-yildan buyon kuzatilmagandi. O‘shanda Arena Robben va Robin van Persi bir o‘yinda 2 tadan gol urishgandi.
«Bu haqda bilmasdim, ammo juda ham xursandman. Faxrlanaman. Robin van Persi va Aren Robben — Niderlandiyaning afsonalari. Ular bilan bir qatorda tilga olinish — bu men uchun ham, jamoa uchun yuksak sharaf», — deya Brobbi so‘zlaridan iqtibos keltirdi FIFA.
«Unga o‘z nomingni yozdirib qo‘yish uchun yaxshi ro‘yxat. Robben va van Persi — endi esa Brayan va men. Shubhasiz, faxrlanishga arziydigan sabab bor. Men 2014-yil 15 yoshimda Niderlandiya va Ispaniya o‘rtasidagi afsonaviy bahsni tomosha qilganman, o‘shanda niderlandiyaliklar 5:1 hisobida g‘alaba qozongan. Endi esa bizning o‘zimiz muxlislarning yangi avlodi uchun xotiralar yaratyapmiz», - qo‘shimcha qildi Gakpo.
Ma’lumot uchun, Niderlandiya milliy jamoasi 4 ochko bilan F guruhida yetakchilik qilmoqda. Keyingi turda jamoa 26 iyun kuni Tunis bilan bahs olib boradi.
