Белгия миллий жамоаси вингери Жереми Доку ЖЧ-2026 2-турида Эронга қарши ўйинда ўйнамайди.
Sporza нашри хабар беришича, футболчининг нафас йўллари инфекцияси туфайли сафдан чиқди ва учрашув қайдномасига киритилмайди.
Футболчи турнирга қадар ҳам соғлиғи билан боғлиқ муаммоларга дуч келган ва миллий жамоа ихтиёрига кучли шамоллаган ҳолда етиб келганди. Тиббий штаб футболчига дам беришга қарор қилди ва унга антибиотиклар курсини буюрди.
«Ҳозир унга тикланиши учун имкон бериб, Докуни гуруҳ босқичининг Янги Зеландияга қарши якуний ўйинига тайёрлаган маъқул», — деди Белгия миллий жамоаси спорт директори Венсан Маннарт.
Аввалроқ Доку рафиқасининг туғруқ жараёнида иштирок этиш учун ушбу учрашувни ўтказиб юбориши хабар қилинганди.
