Швейцария миллий жамоаси ҳимоячиси Мануел Аканжи ЖЧ-2026 гуруҳ босқичининг 2-турида Босния ва Ҳерсеговинага қарши учрашувдаги 4:1 ҳисобидаги ғалабага муносабат билдирди.
«Манчестер Сити» футболчисининг фикрича, мундиалдаги илк ғалаба жамоа учун жуда муҳим бўлган.
«Турнирдаги илк ғалабани қўлга киритиш жуда муҳим эди. Чунки Қатар билан дурангдан кейин ОАВ ва жамоатчилик орасида кўплаб муҳокамалар ва танқидлар пайдо бўлди.
Бу футболнинг бир қисми, аммо айрим масалалар кийиниш хонасида қолиши керак деб ўйлайман», — деди Аканжи.
Ҳимоячи жамоа танқидларга майдондаги ўйини билан жавоб қайтарганини ҳам таъкидлади.
«Биз майдонда сабр-тоқат, тўғри стратегия ва муваффақиятли ўзгаришлар орқали жавоб бердик. Энди гуруҳда биринчи ўринни эгаллашни истаймиз. Бу бизга ўз даражамизни сақлаб қолишга ёрдам беради», — дея қўшимча қилди футболчи.
Эслатиб ўтамиз, Швейцария илк турда Қатар билан дуранг ўйнаган эди. Босния ва Ҳерсеговина устидан қозонилган ғалаба эса жамоанинг плей-офф йўлидаги имкониятларини сезиларли даражада оширди.
