Janubiy Afrika Respublikasi (JAR) milliy jamoasi futbolchilari JCH-2026 guruh bosqichining 2-turida Chexiyaga qarshi qayd etilgan 1:1 hisobidagi durangdan so‘ng qimmatbaho sovg‘alar bilan taqdirlandi.
Ataque Futbolero xabariga ko‘ra, futbolchilarga umumiy qiymati 50 ming AQSH dollaridan ortiq bo‘lgan zargarlik buyumlari sovg‘a qilingan.
Eslatib o‘tamiz, JAR mundialdagi ilk uchrashuvda Meksikaga 0:2 hisobida mag‘lub bo‘lgan edi. Chexiyaga qarshi qo‘lga kiritilgan bir ochko esa jamoaning pley-off umidlarini saqlab qoldi.
Guruh bosqichining so‘nggi turida Janubiy Afrika Respublikasi Janubiy Koreyaga qarshi maydonga tushadi.
Mundial guruh bosqichi 27 iyunga qadar davom etadi. Har bir guruhdan dastlabki ikki o‘rinni egallagan jamoalar hamda eng yaxshi sakkizta uchinchi o‘rin sohiblari pley-off bosqichiga yo‘l oladi.
