Enso Fernandes «Manchester Siti» safidagi ilk golini urdi. Argentinalik yarimhimoyachi Angliya Premyer-ligasining 5-turi doirasida «Sanderlend»ga qarshi bahsning 9-daqiqasida hisobni ochdi.
Fernandes jarima zarbasidan to‘g‘ridan to‘g‘ri zarba yo‘llab, to‘pni darvozaga aniq yo‘lladi. Bu 2026/27-yilgi mavsumda futbolchining «Manchester Siti» safidagi to‘rtinchi bahsi bo‘ldi.
«Sanderlend» uch daqiqa o‘tib hisobni tenglashtirdi. Brayan Brobbiy 12-daqiqada gol urdi. 29-daqiqada Antuan Semenyo uzatmasidan so‘ng Rayan Sherki «Manchester Siti»ni yana oldinga olib chiqdi.
33-daqiqada Brobbiy o‘zining ikkinchi golini urib, hisobni 2:2 ko‘rinishiga keltirdi. Birinchi bo‘lim yakunlanishiga ikki daqiqa qolganida esa Semenyo «Manchester Siti»ning uchinchi golini kiritdi.
Ma’lumot uchun, Fernandes bundan avval Chempionlar ligasida «Portu»ga qarshi bahsda (2:0) Erling Holandga golli uzatma bergandi. Bellashuv «Etihad» stadionida o‘tkazilmoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi