Испания миллий жамоаси вингери Ламин Ямал ЖЧ-2026 доирасида илк бор асосий таркибда майдонга тушади.
18 ёшли футболчи гуруҳ босқичининг 2-турида Саудия Арабистонига қарши учрашув учун бошланғич таркибга киритилди. Баҳс Тошкент вақти билан 21:00 да старт олади.
Эслатиб ўтамиз, мундиалдаги илк ўйинда Испания Кабо-Верде билан 0:0 ҳисобида дуранг ўйнаган эди. Ўша учрашувда Ямал захирада қолиб, майдонга фақат 71-дақиқада туширилганди.
Ёш футболчи ўйинга қўшилганидан кейин испанлар ҳужумда анча фаол ҳаракат қила бошлаган, бироқ ғалаба голини ура олмаган эди.
Шундан сўнг бош мураббий мураккаб қарор қабул қилиб, Саудия Арабистонига қарши муҳим баҳсда Ямалга илк дақиқаларданоқ имконият беришга қарор қилди.
