«Ан Наср» ҳужумчиси Криштиану Роналду узоқ муддатли режа доирасида Саудия Арабистони клубининг 25 фоиз акцияларига эгалик қилиш ҳуқуқини қўлга киритади.
Бу ҳақда Саудия Про-лигаси маслаҳатчиси, австриялик мутахассис Бернд Фиса маълум қилди.
«Криштиану Роналду, ҳеч бўлмаганда узоқ муддатли истиқболда, «Ан Наср» акцияларининг 25 фоизини ўзига кафолатлаб қўйган», — деди Фиса.
Португалиялик суперюлдуз «Ан Наср» сафига 2023 йил январ ойида эркин агент сифатида келиб қўшилган эди.
Шу вақт ичида Роналду жамоа билан икки совринга эга чиқди:
Араб клублари чемпионлари кубоги (2023)
Саудия Арабистони чемпионлиги (2025/26)
Агар маълумот тасдиқланса, Роналду нафақат клубнинг етакчи футболчиси, балки унинг ҳамкор эгаларидан бири сифатида ҳам тарихга киради. Бу эса унинг фаолиятини якунлаганидан кейин ҳам «Ан Наср» билан алоқаларини сақлаб қолиши мумкинлигини англатади.
