Испания миллий жамоаси яримҳимоячиси Гави 1-турда Кабо‑Верде билан қайд этилган дурангдан (0:0) кейин жамоа томон йўлланган танқидлар ҳақида фикр билдирди. Футболчи испанларнинг натижасига бўлган муносабатни Португалия миллий жамоасининг Конго ДР билан дурангидан (1:1) кейингиси билан таққослади.
«Биз, бутун жамоа, ёмон ўйин ўтказдик. Мени қолганлардан кўпроқ танқид қилишди, аммо буни тўғри тушунаман. Аслида шуни кутгандим ҳам. Кўпчилик танқид қилаётганлар футболни тушунишмайди. Улар турли хил деталларга боғланиб қолган, голлар ва голли узатмалар. Мен учун футбол — бу каттароқ нарса, лекин майли, ҳар ким ўзи хоҳлаганча қарайверсин. Агарда ғалаба қозонганимизда шунча гап-сўз бўлмасди. Рақиб 5 нафар ҳимоячи билан ўйнади, уларга қарши ҳаракат қилиш осон бўлмади. Аммо мисол учун Португалия Конго ДР билан дуранг ўйнади ва бизнинг манзилга йўлланган танқидларнинг ярмига ҳам «лойиқ кўрилмади», - дея Гави сўзларидан иқтибос келтирди A Bola.
Маълумот учун, Испания миллий жамоаси H гуруҳидаги иккинчи ўйинини 21 июн куни Саудия Арабистонига қарши ўтказади.
