Нидерландия миллий жамоаси сардори Виржил ван Дейк жаҳон чемпионатида иштирок этаётган топ жамоалар ҳақида фикр билдирди.
«Ўйлашимча, Аргентина турнирни қандай бошлагани улар чемпионлик унвонини ҳимоя қилишни истаётганини кўрсатади. Бразилияда ҳам жуда яхши таркиб бор.
Бу ерда осон ўйинлар йўқ, аммо Аргентина шундай ўйнадики, гўё уларда ҳаммаси осон кечаётгандек туюлди. Лекин мен асосан ўз жамоамга эътибор қаратяпман», — деди ван Дейк.
Аввалроқ ван Дейк жаҳон чемпионати ўйинларидаги сув ичиш учун берилаётган танаффусларни танқид қилганди.
