Португалия миллий жамоаси ҳимоячиси Диогу Далот жамоадоши Криштиану Роналдунинг танқидларга бардош бера олишига ишонишини билдирди.
«Криштиану танқидларга қандай жавоб қайтаришини ҳамма билади. У миллий жамоада 20 йилдан ортиқ тажрибага эга.
Ўйлашимча, Роналду жамоага ишонч бағишлайди. Танқид эса бу — ўйиннинг бир қисми. Айниқса, биз қатнашётган турнир дунёдаги энг йирик мусобақалардан бири, балки энг йириги эканини ҳисобга олсак.
У бизга бераётган ишонч, биз унга бераётган ишонч доим бир хил бўлган ва шундай бўлиб қолади. У миллий жамоа шарафини ҳимоя қиларкан, Криштиану доим ўйнашга тайёр бўлади», — деди Далот.
Аввалроқ португалиялик агент Паулу Барбоза Роналду жамоанинг жаҳон чемпиони бўлишига халақит қилишини айтиб ўтганди.
