Бразилиялик собиқ футболчи Кака 2026 йилги жаҳон чемпионатида ғолиблик учун курашадиган жамоаларни санаб ўтди.
«Ғолибликка даъвогар 4 жамоа? Франция, Испания, Бразилия ва Португалияни айтган бўлардим», — деди 2007 йилги «Олтин тўп» соҳиби ESPN’га берган интервюсида.
Маълумот ўрнида, Каканинг ўзи ҳам 2002 йилда Бразилия миллий жамоаси сафида жаҳон чемпионатида ғалаба қозонган. Ушбу муваффақият ҳалигача «пентакампеонлар» учун турнирдаги сўнгги чемпионлик бўлиб қолмоқда.
Аввалроқ Кака Месси ва Роналду ўртасида танлов амалга оширганди.
