Португалия миллий жамоаси ҳимоячиси Рубен Диаш ДР Конгога қарши кечган ўйиндаги (1:1) дурангдан сўнг Криштиану Роналду шаънига айтилган танқидларга муносабат билдирди.
«Танқидлар биз учун ҳеч қандай аҳамиятга эга эмас. Шунчаки ортиқча шов-шув ва йирик турнирларнинг ажралмас бир қисмидир. Ҳа, ҳаммаси шунчаки қуруқ шов-шув. Аслида ўйин ўхшамай қолган пайтда шундай бўлади. Ортиқча танқидлардан узоқ бўлиш ўз ишимизга эътибор қаратишимиз керак.
Криштиану ОАВ томонидан бўладиган бундай босимларга аллақачон кўникиб кетган. Одатда биз клуб, миллий жамоада ҳам, Европа ва Жаҳон чемпионатларида ҳам доимо мана шундай муҳитга дуч келамиз», — деди Диаш A Bola нашрига берган интервюсида.
Эслатиб ўтамиз, Португалия 2-турда 23 июн куни Ўзбекистонга қарши беллашажи. Баҳс Тошкент вақти билан соат 22:00 да старт олади.
