Тунис миллий жамоаси 52 йил аввалги рекордни такрорлади.
Жамоа жаҳон чемпионати гуруҳ босқич 2-турида Японияга 0:4 ҳисобида мағлубиятга учраб, плей-оффга чиқиш имкониятини муддатидан олдин йўқотди.
Японияликлар ҳар икки таймда иккитадан гол урди. Эслатиб ўтамиз, 1-турда тунисликлар Швецияга 1:5 ҳисобида мағлуб бўлганди.
Қайд этилишича, Тунис 1974 йилдан бери жаҳон чемпионати гуруҳ босқичининг дастлабки икки ўйинида 9 та ёки ундан кўп гол ўтказиб юборган илк Африка жамоасига айланди. 52 йил аввал Зайир (ҳозирги Конго ДР) миллий жамоаси бундан ҳам ёмон натижа қайд этиб, 11 гол ўтказганди.
Сўнгги турда Тунис Нидерландияга қарши майдонга тушади. Ушбу ўйин 26 июн куни бўлиб ўтади.
