Машҳур инсайдер Фабрицио Романо Мадриднинг «Реал» клубининг ёзги трансфер ойнаси учун режалари ҳақида маълумот берди.
«Қайморқанглилар» президенти Флорентино Перес «Бавария» вингери Майкл Олисени «галактикос»нинг янги авлодида муҳим фигура сифатида кўрмоқда.
«Клуб президенти янги «галактикос» ҳақида гапирганида айнан шундай футболчини назарда тутган эди. Францияликнинг исми Мадрид клубининг охирги ҳафталардаги ички мажлисларида мунтазам равишда тилга олинади. Олисе «Реал»нинг асосий трансфер мақсади бўлиб қолмоқда, Хулиан Алварес ҳақидаги барча миш-мишлар уйдирма», — деди Романо ўзининг YouTube-каналида.
Шу билан бирга инсайдер бу трансферни амалга ошириш анча мушкул бўлишини таъкидлади. Мюнхеннинг «Бавария» клуби аниқ позицияга эга ва 24 ёшли яримҳимоячисини сотмоқчи эмас. Аксинча, клуб футболчига яхшиланган шартларда янги битим таклиф қилишни режалаштирмоқда. Олисенинг ўзи эса ҳозир бор эътиборини Франция миллий жамоаси сафида ЖЧ ўйинларига қаратган.
