Кюрасао миллий жамоаси дарвозабони мазкур баҳсда 15 та сейв қайд этди.
Шу тариқа 37 ёшли Ром бир ўйин давомидаги (қўшимча бўлимларни инобатга олмаганда) сейвлар сони бўйича жаҳон чемпионатлари рекордини ўрнатди.
Эътиборли жиҳати, қўшимча бўлимларни инобатга олганда, рекорд америкалик Тим Ҳовардга тегишли (ЖЧ-2014 чоракфиналида Белгияга қарши баҳсда 16 та сейв).
Маълумот учун, Элой Ром Эквадор — Кюрасао ўйининг энг яхши футболчиси деб тан олинди.
Жаҳон чемпионати Е гуруҳида 2-турдан кейин Эквадор ҳам, Кюрасао ҳам 1 очкодан жамғариб, учинчи ва тўртинчи ўринларни банд этган. Гуруҳда 6 очко билан Нидерландия миллий жамоаси етакчи бўлса, 3 очкога эга Кот-д'Ивуар 2-ўриндан жой эгаллаган.
