«Манчестер Сити» яримҳимоячиси Родри билан янги битим борасида музокараларни давом эттирмоқда, аммо ҳозирча томонлар келиша олишмаяпти. Клуб май ойида таклиф юборган, лекин ҳозирча таклиф қилинган шартнома шартлари ошкор этилмаяпти.
«Музокаралар давом этмоқда, аммо клуб ва футболчи келишувдан анча йироқ. Вақт етарлича — шартнома муддати якунланишига яна 1 йил бор. Ҳозирча Родри учун тайёрланган янги битим шартлари номаълум. Бу эса клуб ва футболчи истаклари ўртасидаги фарқ анча катта эканлигидан дарак беради, масаланинг молиявий томони ва шахсий ҳолат вазиятга жиддий таъсир кўрсатиши мумкин. Родри келажаги ҳақида гапирганда масала шу ёзда ҳал бўлишини ишонч билан айтиб бўлмайди. У «Манчестер Сити»да яна бир мавсум қолиб, кейин 2027 йил клубни эркин агент сифатида тарк этиши ҳам мумкин. Бундай вариантни ҳам ёддан чиқармаслик керак», — деди инсайдер ўзининг YouTube-каналида.
Маълумот учун, Родрининг «Манчестер Сити» билан амалдаги шартномаси 2027 йил ёзгача мўлжалланган. 29 ёшли испаниялик 2019 йил «Атлетико»дан Манчестерга 70 млн евро эвазига кўчиб ўтган.
Ўтган мавсумда яримҳимоячи 37 ўйинда майдонга тушиб, 2 та гол урди ва 1 та голли узатма етказиб берди.
